სუბიექტურ-მოდალურ მნიშვნელობათა გამომხატველი სპეციალური სინტაქსური კონსტრუქციები
Resumen
ტერმინი „მოდალობა” ენათმეცნიერებაში არაერთმნიშვნელოვანია. ამ ტერმინით აღინიშნება ის მოვლენები, რომლებიც გრამატიკულად, ლექსიკურად, ინტონაციურად გამოხატავენ მთქმელის მიმართებას გამონათქვამისადმი, ან გამონათქვამისას _ სინამდვილისადმი.
სუბიექტური მოდალობა, ე.ი. მთქმელის მიმართება გამონათქვამისადმი შეიძლება არ იყოს წარმოდგენილი: მთქმელი შეიძლება არანაირად არ გამოხატავდეს თავის დამოკიდებულებას ნათქვამისადმი. მაგრამ ძალიან ხშირად ასეთი მიმართება სახეზეა, იგი შეიძლება გამოხატული იყოს სხვადასხვა ენობრივი საშუალებებით _ ინტონაციით, სპეციალური სინტაქსური კონსტრუქციებით, სიტყვათწყობით, სიტყვათა გამეორებით, სხვადასხვა მნიშვნელობის მქონე სიტყვით ნაწილაკებთან ერთად, შორისდებულით, ჩართული სიტყვა-გამოთქმებით, ასევე ამ საშუალებათა მრავალფეროვანი კომბინაციით. ეს საშუალებები ან მათი კომბინაციები შეიძლება ერთსა და იმავე წინადადებაში ერთად შეგვხვდეს. არ არსებობს მკაცრი გრამატიკული წესები _ შესაძლებელია საშუალებათა მრავალგვარი კომბინაცია.
სუბიექტურ-მოდალურ მნიშვნელობათა წრე ძალიან ფართოა და თვით ეს მნიშვნელობები, თითქმის ყოველთვის ექსპრესიულად შეფერილები, ყოველთვის არ შეგვიძლია განვსაზღვროთ.
საკვანძო სიტყვები: მოდალობა, სუბიექტური მოდალობა, სიტყვათწყობა, სინტაქსური კონსტრუქციები.
